23 лістапада на базе ДУА “Сярэдняя школа №4 г. Лунінца” прайшоў абласны сінхронны турнір гульні “Што? Дзе? Калі?” сярод навучэнцаў устаноў адукацыі Лунінецкага раёна.  Сёлета ў ім прынялі ўдзел 33 каманды: 13 каманд з Лунінца, і  20 з раёна.

Турнір для юных знаўцаў праходзіў адначасова па ўсёй Брэсчыне і складаўся з трох тураў, у якіх патрэбна было адказаць на 12 вельмі няпростых пытанняў.  Патрэбна адзначыць, што удзельнікі каманд  не раз здзіўлялі   журы  на чале са старшынёй – галоўным спецыялістам аддзела адукацыі, спорту і турызму  Трэгубавай  Таццянай Леанідаўнай - сваімі адказамі, як надзвычай дакладнымі, так і  самымі недарэчнымі.    

У выніку 1 месца ў зборнай “Палітэх” (Лунінецкі палітэхнічны каледж), якая выступала ў складзе толькі 4 чалавек:  Кацярыны Свідуновіч, Кацярыны Зіміч, Святланы Дзяткоўскай, Аляксандра Марусіча.               2 месца заняла Мікашэвічская гімназія ім. У. І.Нядведскага.  3 месца падзялілі ажно тры каманды, і, з улікам рэйтынгавасці пытанняў,  размеркаваліся так:    “ГІК 5”   (гімназія г. Лунінца), “Эквілібрыум Альфа” (СШ № 2 г. Лунінца) ,  “ГІК 2”   (гімназія г. Лунінца).

Далей першая дзесятка выглядае так:

 6 месца – “План “Б” без “Б”  (СШ №3  Мікашэвічы);

 7 месца –  “Усё сур’ езна”  ( Багданаўская СШ);

8-9 – ГІК 4 (гімназія Лунінца),  “Лідэр” (Вялікачучавічская СШ);

10 –   “Кураж” (Палесская СШ).

         Віншуем пераможцаў, спадзяемся, што вы годна прадставіце наш раён у наступным этапе гульні! Чакаем ад вас толькі перамог!

         Яшчэ хочацца сказаць вялікі дзякуй адміністрацыі сярэдняй школы №4 г. Лунінца за прадастаўленне гульнявой пляцоўкі і высокі ўзровень падрыхтоўкі мерапрыемства! А таксама выказваем падзяку нашаму сябру і нязменнаму вядучаму гульні вось ужо каторы год Вадзіму Вітальевічу Жылко, кіраўніку клуба “Муза” пры Лунінецкім Доме культуры!

    Фотокомментарий